பீடில்ஸ் 1960ல் முதலில் பிரசித்தியான மேற்கத்திய பாப், மற்றும் ராக் இசை குழு. இந்த குழு அங்கத்தினர்கள் ஜான் லெனன் (கிடார், வாய்ப்பாட்டு), பால் மகார்ட்னி (பேஸ் கிடார், வாய்ப்பாட்டு, பியானோ), ஜார்ஜ் ஹாரிசன்(முதல் கிடார், வாய்ப்பாட்டு), ரிங்கோ ஸ்டார் (முரசு, வாய்ப்பாட்டு) ஆவர். அவர்கள் இசை பாணி 1950களின் ராக் அண்ட் ரோல் மேல் வைத்தாலும், அவர்கள் சைகடெலிக் ராக் என்ற புது வகையை ஆரம்பித்தனர். அவர்கள் உடை, இசை, சொன்னவை, ஒய்யாரம் முதலியற்றில் ஒரு போக்கு முதல்வராயினர்; அவர்கள் சமூக எண்ணங்கள், பரந்த சமுதாயத்தி்லும் , கலாசாரத்திலும் அழுத்தம் செலுத்தின.
வாழ்க்கை
இவர்கள் இங்கிலாந்தின் லிவர்பூல் நகரத்தை சார்ந்தவர்கள், அங்கு தங்கள் குழுவைத் 1960ல் தொடங்கி, அதன் பிறகு மூன்று வருடம் ஜெர்மனியில் ஹாம்பர்க் நகரத்தில் மாலுமிகள் கிளப்பில் பாடினர். அவர்களுடைய "ப்ளீஸ், ப்ளீஸ், மீ" என்ற இசைத்தட்டு விற்பனை 1962ல் பிரித்தனில் முதல் இடம் வகித்தது. அடுத்த வருடத்திலிருந்து, அவர்கள் "பீடில்பைத்தியம்" என்ற தீவிர ரசிகர் புகழுக்கும் ஆரவாரங்களுக்கும் ;ஆளானார்கள். 1963 , அவர்களின் "ஐ வாண்ட் டு ஹோல்ட் யுவர் ஹாண்ட்" என்ற தட்டு அமெர்க்காவில் விற்பனையில் முதன்மையாகி, அமெரிக்காவிலும் பீடில்பைத்தியத்தை தொடங்கியது. 3 வருடங்கள் அமெரிக்காவில் இசை பிரயாணம் செய்தனர்