நுங்கு மில்க் ஷேக்

திருமதி.கீதா சாம்பசிவம்

சுண்டக் காய்ச்சிய பால் 2 கிண்ணம், ஒரு கிண்ணம் சர்க்கரை, ஏலக்காய், இளநுங்கு பத்துச் சுளைகள்.

இளநுங்குகளை அதன் நீரோடு சர்க்கரையும் சேர்த்து மிக்சியில் அரைக்கவும். நன்கு அரைபட்டதும் சுண்டக் காய்ச்சிய பாலைச் சேர்க்கவும். ஒரு சுற்றுச் சுற்றிவிட்டு ஏலக்காய்ப் பொடி போடவும். குளிர்சாதனப் பெட்டியில் வைத்துப் பரிமாறவும்.

மற்றொரு முறை: இள நுங்கு, கண்டென்ஸ்ட் மில்க் ஒரு கிண்ணம், சர்க்கரை, க்ரீம், அல்லது பனீர் துருவல். இளநுங்கு, சர்க்கரை சேர்த்துக் கண்டென்ஸ்ட் மில்க் சேர்த்து மிக்சியில் அடிக்கவும். நன்கு அரைபட்டதும், குளிர்சாதனப் பெட்டியில் வைத்துப் பரிமாறும்போது மேலே கொஞ்சம் க்ரீம் சேர்த்தோ அல்லது பனீர் துருவலைப் போட்டோ பரிமாறவும். மிகவும் சுலபமான குறிப்பு இது.

--Ksubashini 17:01, 18 மே 2010 (UTC)