இறைவனைக் காண்போம்! பேய் மரம்!

பேய் மரம் என்று ஒரு மரம்.  இந்த மரத்துக்கு இன்னும் பல பெயர்கள் உண்டு.  போபாப் (Boabob) மரம், குரங்கு ரொட்டி மரம் (monkey-bread tree), தலைகீழ் மரம் (Upside-down tree), செத்த எலி மரம் (dead rat tree),  இவற்றில் முதல் பெயரைத் தவிற மற்றவை காரணப் பெயர்கள்.  இதன் தாவரவியல் பெயர் ஆடன்சோனிய டிஜிடாடா (Adansonia Digitata) என்பதாகும்.

 

இந்த மரம் நம் நாட்டில் சில இடங்களில் இருந்தாலும், இது வெளி நாட்டில் இருந்து வந்த மரம்.  ஆப்பிரிக்காவைச் சேர்ந்த மரம் இது.

 

மரங்களிலேயே மிகத் தடிமனான குட்டையான அடி மரம் கொண்டது பேய் மரம்.

 

பேய் மரத்தின் இலைகள் ஒவ்வொன்றும் ஐந்து இலைகளால் ஆனவை.  மாவிலைகளை விட சற்று அகலமானவை.

காய்கள் நன்றாகக் காய்ந்ததும் வெடித்துத் தரையில் விழும்.  உள்ளே சதைப் பற்றான பகுதி வெள்ளையாக பஞ்சு போன்று, ரொட்டித் துண்டுகள் எனக் காட்சி அளிக்கும்.  இது குரங்குகளுக்கு மட்டுமல்ல, மனிதர்களுக்கும் நல்ல உணவாகும்.  இப்போது புரிகிறதா பேய் மரத்தின் ஒரு பெயரான குரங்கு ரொட்டி மரம் என்பதன் காரணம்?

 

ஆப்பிரிக்காக் கண்டத்தில் பேய் மரத்தின் காய் பலரது பரம்பரை உணவு.

 

பேய் மரத்தின் காய்களில், பாலக்கீரையை விட ஐம்பது சத வீதம் அதிகமான சுண்ணாம்புச் சத்தும், அதிக அளவிலான பிராணவாயுஏற்றித் தடுப்பானும் (anti oxidant), ஒரு ஆரஞ்சுப் பழத்தைப் போல இரு மடங்கு வைடமின் சி யும் இருக்கிறாதாம்.  அதனால் பேய் மரத்தின் காய்க்கு சூப்பர் பழம் என்று ஒரு பெயர்.

 

கூவம் கால்வாய் கரையில், சென்னையில், நுங்கம் பாக்கத்திற்கும், எழும்பூருக்கும் இடையே  ஆயிரத்தி ஐம்பதுகளில் காலியாக இருந்த இடத்தில் இந்த மரங்களில் இரண்டு இருந்தன.  அவை இருந்த இடத்தில் இப்போது கான்கிரீட் கட்டிடங்கள்.  சென்னையில் இன்றும் ஒரு மரம் அடையாறு கலா க்ஷேத்திரத்தில் இருக்கிறதாம்.

 

<div