அன்றொரு நாள்: ஜூலை 23:I & ஆகஸ்ட் 1From மரபு விக்கிஇன்னம்பூரான்
அன்றொரு நாள்: ஜூலை 23:I இல், ‘... சொல்லவேண்டியது நிறைய இருக்கிறது. தொடர வேண்டுமா அல்லது ஆகஸ்ட் 1. அன்று தான் எழுதமுடியுமா, யான் அறியேன்..’ என்றதிற்கு, ‘திலக முனிவர்கோன் சிர டிக்கம லத்தினை வாழ்த்துக.’ என்று இன்று ஆணை பிறந்தது, பேசத்தொடங்கிய மஹா கவி பாரதியாரிடமிருந்து. வந்தனன் என்றேன். முதலில திடல் வந்தனம்: தஞ்சை மாநகரிலே வெள்ளையர் ஆட்சியின் போது, திலகர் திடலிலே மஹா கவி பாரதியாரின் புகழ் பாடி, பெற்ற பரிசலாகிய அவரின் ‘பகவத் கீதை’, பிற்காலம் திலகரின் ‘கீதா ரகஸ்யம்’ படிக்கத் தூண்டியது, என் கொடுப்பினை.  சென்னை கடற்கரையிலிருந்த திலகர் திடலில், வரலாற்று சித்திரங்களை எத்தனை தடவை என் அகக்கண் கண்டு மகிழ்ந்திருக்கும்; கலங்கியிருக்கும். இது வரை சொல்லாமல் இருந்தேன். சொல்லுடா என்றார், மஹாகவி. ஸ்வாமி விவேகானந்தர் அங்கு ஆற்றிய ஆன்மீக உரைகள் என்ன! என்ன! "சுதந்திரம் நமது பிறப்புரிமை' என்ற முழக்கத்தை நமக்குத் தந்த மாபெரும் தலைவர் லோக மான்ய பாலகங்காதர திலகர். ஆங்கிலேயரை எதிர்த்து சிம்மகர்ஜனை செய்த வீரபூமி இது. பிபின் சந்திர பால் என்ற பள்ளையாசிரியர் வந்தங்கு மூட்டிய சுதந்திரக்கனல் என்ன! என்ன! மகுடிக்கு மயங்கிய அரவம் போல் மூன்று நாட்கள் அவர் முன் அமர்ந்திருந்த மஹாகவி, வ.உ.சி, திரு.வி.க., வலங்கைமான் ஶ்ரீனிவாச சாஸ்திரி, பேராசிரியர். தொடூர் மாடபூசி கிருஷ்ணமாச்சாரியார் என்ன! என்ன!, ஏழு தடவை அங்கு உரையாற்றியும், ஒத்துழையாமையை பிரகடனம் செய்தும், அண்ணல் காந்தி, திலகர் முனிவர்கோன் ஆசி பெற்றது என்ன! என்ன! சத்தியாகிரக புனித தினமன்று அங்கு திரு.வி.க. அவர்கள் எழுப்பிய முழக்கம் என்ன! என்ன!. அதை பற்றி யான் சற்றே ஆவேசத்துடன் பேச, அதை திருமதி. ஸுபாஷிணி ட்ரெம்மல் ‘சிக்’ என பிடித்து மண்ணில் குரலில் பதிப்பித்தது என்ன! என்ன! நேதாஜி சுபாஷ் சந்திர போஸ், லாலா லஜபதி ராய், சி.ஆர். தாஸ், கப்பலோட்டிய தமிழர் வ.உ.சிதம்பரனார், நேரு, ராஜாஜி, ஜி. சுப்பிரமணிய அய்யர், எஸ். சீனுவாச அய்யங்கார், எஸ்.சத்தியமூர்த்தி, காமராஜர், ம.பொ.சி, இந்திரா எல்லாரும் அங்கு பேசியது என்ன! என்ன! அதை இன்று வெறும் கல்வெட்டாக சுருக்கி விட்டார்களே. அந்தோ! பரிதாபம்! இனி அவ்விடம் ஈன்ற சுதந்திரவேட்கையை சொல்லத்தான் இயலுமா?
அடுத்து:  சிறை வந்தனம்: அன்னிய ஆட்சியை கண்டித்து எழுதியதற்காக, 18 மாதங்கள் சிறை தண்டனை, 1897இல். பயன்: ஸ்வதேஷி இயக்கம். இவரது ‘ கேசரி,’ ‘மராட்டா’ இதழ்களின் பிரச்சாரம், பட்டி, தொட்டி தோறும். இவருடைய வீட்டு வாசலிலேயே ஸ்வதேஷி சந்தை. மறுபடியும் சிறை, கடல் கடந்து, நாடு கடத்தி மாண்டலேயில், ஆறு வருடங்களுக்கு, 1906 லிருந்து. உடல் வலிமையை உடைத்து, திருப்பி அனுப்பினார்கள். இவரோ படிப்பிலும், எழுதுவதிலும் ஆழ்ந்தார். ‘கீதா ரகஸ்யம்’ நமக்கு அளித்தார். சுதந்திர தாகம்: 1907ம் வருடம் இந்திய தேசிய காங்கிரஸ் கூட்டத்தில் திலகரின் சொற்பொழிவிலிருந்து சில துளிகள்: இன்றை மிதவாதம் நேற்று தீவிரம்; இன்றைய தீவிரவாதம் நாளை மிதவாதம். வரலாற்றில் இவ்வாறு நடக்க ஹேது உண்டு;
திலகர் வணக்கம் முற்றிற்று. மஹா கவி பாரதியும் சிலாகித்தார். இன்னம்பூரான் 01 08 2011
--பவள சங்கரி திருநாவுக்கரசு. 17:15, 1 ஆகஸ்ட் 2011 (UTC) |