அன்றொரு நாள்: ஜூலை 6/7மரபு விக்கி இருந்துCoralsri.blogspot.com (பேச்சு | பங்களிப்புகள்) பயனரால் செய்யப்பட்ட 11:23, 8 ஜூலை 2011 அன்றிருந்தவாரான திருத்தம் இன்னம்பூரான்
மகன் தந்தைக்காற்றும் உதவி இவன் தந்தை எந்நோற்றான் கொல்லெனும் சொல்.’
 என்ன நோன்பும், உதவியும் வேண்டிக்கிடக்கிறது? ஜீ.எல்.பாட்ரா அவர்கள் ஜனாதிபதி முன் நிற்கிறார், கண்களில் நீர் ததும்ப, நெஞ்சடைக்க, மனமுடைந்து, உடல் தளர்ந்து, ஆத்மபலம் கரைந்தது போல். அவற்றை எல்லாம் கட்டிப்போட்டதால், அஃறிணையாக, ‘கானகத்தே நிற்கும் நெடு மரம் போல்’. ஜடம். படத்தைப் பாருங்கள். 15 ஆகஸ்ட் 1999 அன்று, இந்த நிகழ்வு.
 கார்கில் யுத்தம். அண்டை அயல் அநாவசியமாகத் தொடுத்த யுத்தம். சிந்திய இரத்தத்தை நினைத்தால், மனம் கலங்குகிறது. அதான் சிவப்பு மசி.
 இலக்கு 5140 என்ற இடத்தை பிடிக்க செல்கிறார், ‘சிம்ம ராஜா’ கேப்டன் விக்ரம் பாட்ரா (24) (13, ஜேஏகே ரைஃபில்ஸ் & டெல்டா கம்பெனி). பகையை எதிர்பாராத விதமாகத் தாக்கவேண்டுமென, அவரும், ஐந்து வீரர்களும் ஒரு செங்குத்தான பாதை மேல் ஏற, பகையின் மிஷின்கன் தாக்குதல் கடுமை. ‘த கன்ஸ் ஆஃப் நவ்ரோன்’ சினிமா பார்த்திருக்கிறீர்களோ? அந்த மாதிரியான இக்கட்டு; நெருக்கடி. கையும் கையுமாகக் கலந்த கடுமையான போரில், இவரது கையால் இறந்தது மூன்று பகையாளிகள். பலத்த காயம் பட்ட பிறகு போராடிய இவரது துணிச்சலால் உந்தப்பட்டு, இவர் படை ஆவேசத்துடன் இயங்க, அந்த இலக்கு பிடிப்பட்டது: அதிகாலை 3:30. 20 ஜூன் 1999. ஒன்றன் பின் ஒன்றாக, இலக்கு 5100, இலக்கு 4700, உச்சி, மூன்று புள்ளிகள் ஆகியவை இவரது வசமாயின. அடுத்து, கேப்டன் அனுஜ் நய்யார், சஞ்சய் குமார் (இவருக்கும் இதே விருது;சரியான கூட்டாளி, விக்ரமுக்கு.) உதவியுடன், இலக்கு 4750 ஐயும், இலக்கு 4875 ஐயும் பிடிக்கும் தறுவாயில், கேப்டன் விக்ரம் பட்ரா வீரமரணம் எய்தினார். அதிகாலை: 6/7 ஜூலை 1999. ( என்ன இலக்கு வேண்டியிருக்கு, போங்கள்?) அவரது மரண வாக்கு, ‘என் தெய்வத்தாய்க்கு (பாரதமாதா) ஜே!’.
 அவருக்கு இந்தியாவின் அதி உன்னதமான ‘பரம் வீர் சக்ரா’ அருளிய திருவிழாவை முதலில் பார்த்தோம். 
 ஒரு வேளை, மற்றதெல்லாம் விட்டு விட்டு, பரம வீர் சக்ராவும், விக்டோரியா க்ராஸ்ஸும் மட்டுமே என் கவனத்தின் மீது ஆளுமை செய்யுமோ? 
இன்னம்பூரான் 07 07 2011 உசாத்துணை: http://www.bharat-rakshak.com/LAND-FORCES/Army/Galleries/Courage/Batra/ pastedGraphic.pdf Login Image Galleries Profiles of Courage Captain Vikram Batra, PVC Param Vir Chakra
Mr Girdhari Lal Batra with his son's Param Vir Chakra medal. A grateful nation applauds the Batra family.  Login Image Galleries Profiles of Courage Captain Vikram Batra, PVC Point 5140
Reconnaissance for the capture of Point 5140. Sitting Left to Right: Lieutenant Vikram Batra, Major Vikas Vohra, Captain Chatterji and the CO of 13 JAK Rifles, Lieutenant Colonel Y K Joshi.
--பவள சங்கரி திருநாவுக்கரசு. 11:00, 8 ஜூலை 2011 (UTC) |