நந்தீஸ்வர பூஜை

நந்தீஸ்வ்ர பூஜை" என்பது நந்தீஸ்வரத்வீபத்தில் இருக்கும் அக்ருத்திம ஜின சைத்யாலயங்களிலுள்ள ஜின பிம்பங்களை பூஜிப்பது. நாம் இருப்பது ஜம்பூத்வீபத்திலிருந்து எட்டாவதான த்வீபமே “நந்தீஸ்வரத்தீப” மென்பது. இது நந்தீஸ்வர சமுதிரத்தினால் சூழப்பட்டுள்ளது. இத்வீபம் ஜைன சாஸ்த்திரபடி 163 கோடியே 84 லட்ச யோஜன விஸ்தீரணமுடையது. இதில் ஒவ்வொரு திக்கிலும் அஞ்ஜன பர்வதம் ஒன்றும், ததிமுக பர்வதம் நான்கும், ரதிக பர்வதம் எட்டும் ஆக பதிமூன்று பர்வதங்கள் உள்ளன.ஒவ்வொரு பர்வத சிகரத்தில் ஒவ்வொரு ஜின சைத்தியாலயம் உள்ளது.

இச்சைத்தியாலயங்கள் அனைத்தும் ஆதி அந்தம் இல்லாதன. இவைகள் யாவராலும் தோன்றுவிக்கப்படாமல் இயற்கையாய் இருப்பவைகள். இவ்வாறாக நான்கு திக்குகளில் 52 ஜின சைத்தியாலயங்கள் உள்ளன. ஒவ்வொரு சைத்தியாலயத்திலும் நிர்மலமும், தேஜோமயமும், அக்ருத்ரிமமுமான ஸ்ரீ அரஹத் பரமேஸ்வரரின் 108 பிம்பங்கள் இருக்கின்றன. இந்த ஜின பிம்பங்களின் ஆராதனையே நந்தீஸ்வர பூஜை என்பது

தமிழகத்தின் நெல்லியங்குள ஜினாலய நந்தீஸ்வர பூஜை