மரபு விக்கி:அறிமுகம்

நமது மின் தமிழ் மற்றும் இ-சுவடி மின் அரங்கங்கள் உலகின் பற்பல மூலைகளில் உள்ள நம்மை இணைக்கும் பாலமாக இயங்குவதில் வெற்றி கண்டுள்ளது.லொருவருக்கு ஒருவர் நாம் முகம் அறியாத நிலையிருந்தாலும் தமிழுக்கு ஏதாகினும் ஒரு வகையில் அதன் வளர்ச்சிக்கு பங்களிக்க வேண்டும் என்ற அகம் அறிந்த நட்பினை வளப்பதில் வெற்றி கண்டுள்ளன நமது இரண்டு மின் அரங்கங்களும்.

இன்றைய எண்ணிக்கையின் படி மின் தமிழில் 632 அங்கத்தினர் இணைந்திருக்கின்றனர். மின் தமிழில் இடம் பெறும் கலந்துரையாடல்கள் பிரமிக்க வைக்கின்றன. தமிழ் இலக்கணம், புதிய சொற்கள், இலக்கிய ஆய்வு, திருக்குறள் உரை, சைவ சித்தாந்த தத்துவ விளக்கம், வைஷ்ணவ தத்துவங்கள், ஆலய விளக்கம், பயண கட்டுரைகள், பழமொழிகள், கலைகள், தமிழறிஞர்கள் தமிழ்/தமிழர் தொடர்பான முக்கிய செய்திகள், இசை, கலைகள், இறை அனுபவம், பக்தி, என பற்பல கிளைகளாக சிந்தனை ஓட்டத்தை தாங்கி ஒவ்வொரு நாளும் உதிக்கின்றது மின்தமிழ். இதில் ஒவ்வொருவருக்கும் பிடித்த ஏதாகினும் ஒரு துறை இருக்கலாம். அது அறிவியல் தமிழாகவோ, பேச்சுத் தமிழாகவோ, கல்வெட்டுக்கள் பற்றியோ எதுவாகினும் அதனை விருப்பமுள்ள அவர்களே சுயமாக தமிழ் மரபு அறக்கட்டளையின் உள்ளடக்க முகாமைத்துவ தெதகுதியில் (Content Management System) இணைக்கமுடியும். இதற்கு வழி செய்வதே முதுசொம் விக்கி.

உங்களுக்கு விருப்பமுள்ள ஒரு துறையை தேர்ந்தெடுத்துக் கொள்ளுங்கள். அதனை பற்றிய மேலதிக விபரங்களை நீங்களே உள்ளீடு செய்யுங்கள். நம் தமிழ் மரபு அறக்கட்டளையின் விக்கி உங்களுக்கு இந்த அதிகாரத்தையும் வாய்ப்பையும் வழங்குகின்றது.

இந்த முயற்சியில் சேர்ந்து பங்களிக்க முதலில் நீங்கள் உங்கள் பெயரை பதிந்து கொள்ள வேண்டும். இதனைச் செய்ய பயணர் புகுவழி பகுத்திக்குச் சென்று அங்குள்ள 'கணக்கொன்றை உருவாக்குக' பகுதியை தேர்தெடுத்து தேவையான தகவல்களைப் பதிந்து கொள்ளுங்கள்.