பழந்தமிழ் இலக்கியங்கள் நாட்டுப்புறப் பாடல்களே - நூல் அறிமுகம்க்கான மூலத்தைப் பார்

&nbsp;Banukumar Rajendran

முனைவர். துளசி.இராமசாமி அவர்களின் “பழந்தமிழ் இலக்கியங்கள் நாட்டுப்புறப் பாடல்களே”<br>என்ற நூலின் அறிமுகம்தான் இக்கட்டுரை.<br> <br>கார்த்திகேசு.சிவதம்பிக்கு இந்நூலை படையலாகக் கொடுப்பதிலிருந்து இந்நூல் தொடங்குகிறது. <br>இந்நூல் சுமார் 885 பக்கங்களைக் கொண்ட பெருநூல். தற்போது நாம் சங்க இலக்கியம் என்று<br>நினைத்திருக்கும் பாடல்கள் பழந்தமிழகத்தில் வாய்ப்பாடல்களாக பாடப்பட்டு வந்ததுதான் என்று<br>அறுதியிட்டுக் கூறியிருக்கிறார். தமிழுக்கென்று வரிவடிவம் கண்டுப்பிடித்த பிறகு, இவ்வாய்<br>மொழிப்பாடல்கள் இலக்கியங்களாகத் தொகுக்கப்பட்டன வென்றும், அவைகள் வரியின்<br>அடிப்படையில் நான்குத் தொகுதிகளாகத் தொகுக்கப்பட்டன என்று பல்சான்றுகள் மூலம் தன்<br>நடையில் விவரித்துச் செல்கிறார்.<br>வெறும் வாய்மொழியாகப் பாடப்பட்டு வந்த பாடலகளை, தமிழுக்கு வரிவடிவம் கண்டுப்பிடித்தக் <br>காலத்தில், அஃதாவது, எழுத்துத் தொடங்கியக் காலத்தில் பழந்தமிழர்களால் பாடப்பட்ட பாடல்களை<br>தொகுக்கும்போது, பொருளின் அடிப்படையில் அல்லாது வரிகளைக் கொண்டுத் தொகுக்கப்பட்டிருந்தது.

பழந்தமிழ்ப் பாடல்கள் வரிகளின் எண்ணிக்கைகளைக் கொண்டு கீழ்வருமாறுத் தொகுக்கப்பட்டது.

குறுந்தொகை - 4-8 வரிகளைக் கொண்டது<br>நடுத்தொகை - 9-12 வரிகளைக் கொண்டது<br>நெடுந்தொகை - 13-31 வரிகளைக் கொண்டது<br>புறத்தொகை - 31 வரிகளுக்கு மேல் உள்ளவைகள்

அவ்வாறுத் தொகுத்தப் பாடல்களில் கடவுள் வாழ்த்துப் பாடல்களோ, அக, புற குறிப்புகளோ,<br>பாடியோர்-பாடப்பட்டவர் பெயர்களோ, திணை - துறைக் குறிப்புகளோ, கொளுவென்னும் அடிக்குறிப்புகளோ<br>காணப்படவில்லை என்று பல அறிஞர்களின் எழுத்துக்களைச் சான்றுக் காட்டி எழுதுகிறார். பழைய ஏட்டுச் <br>சுவடிகளில் இவ்வகையானப் பாகுபாடுகள் இல்லை என்பதையும் நாம் நோக்க, ஆசிரியர்க் கூற்றின் உண்மையை<br>எளிதில் உள்ளலாம்.

இவ்வாறுத் தொகுத்தக் காலம் சற்றொப்ப, கி.மு.3ஆம் நூற்றாண்டின் தொடக்கம் எனகிறார். இதற்கு <br>தமிழ்நாட்டில், தற்போது கிடைக்கும் பழைமையானக் கல்வெட்டுச் சான்றுகள் தம் கருத்துக்கு துணையழைக்கிறார்.

இறையனார் அகப்பொருள்ப் பற்றி தனியாக ஒரு பகுதியை ஒதுக்கி, அகப்பொருள் உரையை ஆராய்கிறார்.<br>இறையனார் அகப்பொருள் உரையெழுந்தக் (சுமார் 8 - 10 நூற்றாண்டுகள்) காலத்தில்தான், கடவுள் <br>வாழ்த்து, அகப்புறத் திணைப் பாகுபாடுகள் தொகை நூற்களில் இடைச்செருகலாகத் மறுத்தொகுப்பு <br>செய்யப்படுகிறது. அப்படி, மறுத்தொகுப்புக் காணும்போது ஒவ்வொருத் தொகுப்பிலும் நானூறுப் பாடல்களாக<br>வரும்படி ஒரு ஒழுங்குமுறையில் தொகுக்கப்படுகிறது. இத்தொகுப்பின்போது, சில தொகைநூற்களின்<br>பெயர்களும் மாற்றப்படுகிறது. எங்ஙனமெனின்,

குறுந்தொகை - குறுந்தொகையாகவும்,<br>நடுந்தொகை - நற்றினையாகவும்,<br>நெடுந்தொகை - அகநானூறாகவும்,<br>புறத்தொகை - புறநானூறாகவும்

மாற்றமடைக்கின்றன என்று தன் கருத்தை தெளிவாக எடுத்துக் கூறுகிறார். இரா.இராகவையங்கார் 1918இல் <br>வே.இராஜகோபாலையங்காருடைய அகநானூறு நூலின் முன்னுரையில் இவ்வாறு எழுதுகிறார்.

”உருத்திர சன்மன் தான் நெடுந்தொகையை அகநூனூறாக்கி, களிற்றியானைநிரை, மணிமிடைப் பவளம்,<br>நித்திலைக் கோவை என்ற பிரிவுகளில் பகுத்தார். திணை, துறையும் பகுத்தார்”.

குறுந்தொகைக்கு சவரிப்பெருமாள் அரங்கனும், நடுத்தொகைக்கு பின்னத்தூர் நாராயணசாமி ஐயரும்<br>திணை, துறை பகுத்திருக்கிறார்கள். பாடப்பட்டோரும், பாடியோரும், பிற்காலத்துச் சேர்மானங்கள் என்று<br>நம் கவனத்துக்கு கொண்டு வருகிறார்.

தொல்காப்பியத்தில் பொருளதிகாரம் பின்னாளைய இணைப்பு என்கிறார். அவ்வாறு இணைத்தப் பின்னையும்,<br>பல பாடல்கள் இடைச்செருகலாக வலிந்து நுழைக்கப்பட்டிருக்கிறது என்று தக்க ஆதாரத்துடன் நிறுவிச்<br>செல்கிறார்.

இப்படி நிறைய கருத்துக்களை கொண்டிலங்கும் இந்நூல் தமிழ்க் கூறும் நல்லுலகத்திற்கு ஒரு நல்வரவு<br>என்பதில் ஐயமில்லை.

----

<br>நூலின் பெயர்: பழந்தமிழ் இலக்கியங்கள் நாட்டுப்புறப் பாடல்களே<br>நூலின் ஆசிரியர்: முனைவர்.துளசி.இராமசாமி (உலகத் தமிழாராய்ச்சி நிறுவனம்)<br>நூலின் விலை: ரூ.700/-<br>பதிப்பகம்: விழிகள், கதவு எண்.1, பிளாட்.எண்.66, 3ஆவது தெரு, வீனஸ் காலனி விரிவு, வேளச்சேரி, சென்னை-42,<br>அலைபேசி.எண்: 9790914533<br>இமெயில்: tulasi.ramasamy@gmail.com



--[[பயனர்:Ksubashini|Ksubashini]] 14:05, 1 நவம்பர் 2012 (UTC)



[[Category:புத்தக_விமர்சனம்]]